ÂÒÂ×´óÉñ

Mae Powell Bespoke Interiors Ltd, sydd wedi’i leoli ym Mryn-mawr yn y De, yn wneuthurwr dodrefn sy’n arbenigo mewn dodrefn mewnol o ansawdd uchel a chabinetau wedi’u teilwra. Gan gyfuno peiriannau CNC o’r radd flaenaf â chrefftwaith traddodiadol, mae’r cwmni’n dylunio, cynhyrchu a gosod dodrefn pwrpasol, gan gynnwys cypyrddau dillad a cheginau. Eu ffocws yw cywirdeb ac effeithlonrwydd a chyflawni canlyniadau eithriadol wedi’u teilwra i ofod pob cleient.

Gyda chymorth Grant Datblygu Busnes ÂÒÂ×´óÉñ, mae Powell Bespoke Interiors wedi buddsoddi mewn uwchraddio offer a seilwaith allweddol. Mae’r gwelliannau hyn wedi trawsnewid eu gweithdy – gan symleiddio cynhyrchu, gwella effeithlonrwydd, a chodi ansawdd eu cynhyrchion gorffenedig.

Dywedodd Rick Powell, Cyfarwyddwr Powell Bespoke Interiors Ltd: ‘Rydym yn falch o fod wedi buddsoddi mewn offer newydd sy’n ein galluogi i weithio’n fwy effeithlon, darparu safon crefftwaith sydd hyd yn oed yn uwch, a chreu gweithle mwy diogel a chynhyrchiol. Diolch i’r cymorth hwn, rydym hefyd wedi gallu dod â dau weithiwr newydd i’r busnes, gan gryfhau ein tîm a chreu cyfleoedd swyddi lleol. Mae’r grant wedi rhoi’r offer inni i dyfu, ymgymryd â phrosiectau mwy uchelgeisiol, ac adeiladu dyfodol cryfach i Powell Bespoke Interiors.’

Dywedodd y Cynghorydd John Morgan, Aelod Cabinet – Lle ac Adfywio a Datblygu Economaidd: ‘Mae’n wych clywed bod y buddsoddiad hwn wedi lleihau costau allanoli, cynyddu capasiti, a galluogi’r cwmni i ymdrin â mwy o waith yn ddiogel ac yn effeithiol, gan helpu’r busnes i dyfu wrth greu sylfaen gryfach ar gyfer ehangu yn y dyfodol.’

Cyfarwyddwr Rick Powell a’r Cynghorydd John Morgan o Gyngor Bwrdeistref Sirol ÂÒÂ×´óÉñ

Mae Grant Datblygu Busnes ÂÒÂ×´óÉñ wedi’i ariannu gan Gronfa Ffyniant Gyffredin Llywodraeth y DU ac yn cael ei reoli gan y Tîm Busnes ac Arloesi yng Nghyngor Bwrdeistref Sirol ÂÒÂ×´óÉñ. Nod y Grant Datblygu Busnes yw cefnogi twf a datblygiad busnesau newydd a busnesau presennol ym Mlaenau Gwent.

.

Hoffem hefyd longyfarch Rick, sydd wedi cyrraedd rhestr fer rownd derfynol Microfusnes y Flwyddyn yng Ngwobrau Busnes Torfaen, Sir Fynwy a ÂÒÂ×´óÉñ 2025.

Gwefan:

Social media links: